Ази-Номхон далайн орнуудын судсан дотуурх мэс заслын нийгэмлэг (Asia-Pacific Society of Interventional Cardiology - APSIC) нь бүс нутгийн 20 орныг эгнээндээ нэгтгэсэн бүс нутгийн томоохон нийгэмлэг бөгөөд жил бүрийн чуулга уулзалтаа AICT-AsiaPCR нэрээр зохион байгуулдаг.
Энэ жилийн чуулга уулзалт AICT-AsiaPCR 2023 чуулга уулзалт 2023 оны 09 сарын 21-22-ны хооронд Сингапурт зохион байгуулагдахаар товлогдоод байна. Тус хурал нь судсан дотуурх оношилгоо, эмчилгээний чиглэлээр ажиллаж буй эмч, судлаачид, залуу мэргэжилтнүүдэд өөрсдийн эмнэлзүйн, эрдэм шинжилгээний бүтээлийг танилцуулах, бүс нутгийн тэргүүлэх мэргэжилтнүүдээс суралцах, харилцаа холбоо тогтоох таатай боломжийг олгодог.
Түүнчлэн хурлын үеэр судсан дотуурх оношилгоо эмчилгээний чиглэлд үйл ажиллагаа явуулж буй хувийн хэвшлийн компаниудад томоохон үйлдвэрлэгч, дэлхийд тэргүүлэх брендүүдтэй танилцах, ажил хэргийн холбоо харилцаа тогтоох, өөрийн орондоо эдгээр томоохон үйлдвэрлэгч, дэлхийд танигдсан брендүүдийн дистрибьютер буюу итгэмжлэгдсэн төлөөлөгч эрхийг авах хамтын ажиллагааны санамж бичиг, гэрээг байгуулах нэн таатай боломжийг ханган нийлүүлэгч компаниудад бүрдүүлснээр үйл ажиллагааны цар хүрээгээ тэлэх, өрсөлдөх чадвараа нэмэгдүүлэх тааламжтай нөхцлийг бүрдүүлдэг билээ.
"Монголын зүрх, судсан дотуурх эмч нарын нийгэмлэг" нь APSIC-ийн жинхэнэ гишүүн орны хувьд AICT-AsiaPCR 2023 чуулга уулзалтыг дэмжин ажиллаж буй бөгөөд өөрийн орны эмч, судлаач, залуу мэргэжилтнүүд, хувийн хэвшлийн ханган нийлүүлэгч байгууллагуудыг өргөнөөр оролцохыг уриалж байна.
0 comments:
Post a Comment